حل مشكلة انقطاع النت من الراوتر
![حل مشكلة انقطاع النت من الراوتر](https://www.akhbrcom.com/wp-content/uploads/2024/02/حل-مشكلة-انقطاع-النت-من-الراوتر.webp)
حل مشكلة انقطاع النت من الراوتر فى 5 دقائق بعد معاناة طويلة مع مشكلة الانترنت يفصل كل شويه. من الراوتر ولمبة ال DSl تفصل وتنور تانى اعرف تجربتى مع حل مشكلة النت من خلال شبكة اخباركم.
وصف المشكلة بالتحديد هى ان النت كان يفصل كل شويه من الراوتر، ولمبة الدى إس إل dsl تطفى وتنور تانى لوحدها كل خمس دقايق. طبعا مشكلة فصل الانترنت دى مزعجة جداً. وقدرت أحلها بنفسى من خلال خطوات بسيطة هقولك عليها.
حل مشكلة انقطاع النت من الراوتر
شوف ياصديقى انا عندى سلكين طالعين من السبليتر. الأول سلك النت والتانى سلك التليفون، قومت شيلت الار جي بتاع سلك النت وبصيت عليه لقيت النحاسة بتاعة الار جي لونها اتغير من الاصفر الى الاسود. وده طبعا بيأثر على اتصال الانترنت.
- أول حاجه عملتها لحل مشكلة انقطاع النت من الراوتر، هى إنى جبت بنسة اراجة، واشتريت ار جي جديد.
- بعد كده قطعت أطراف سلك النت وكمان سلك التليفون الارضى وشيلت الار جي القديم.
- واستبدلته بالار جي الجديد، وسهل انك تشتري بنسة تأريج نت وتركب الار جي بنفسك اطمن.
- كذلك روحت على السلك اللى جاى من البوكسة اللى فى الشارع وقطعت الار جي القديمة اللى كانت راكبه.
- وبعدين ركبت الار جي الجديدة برضه مكانها، والنت بقى تمام التمام ومبقاش يفصل والسرعة وصلت كاملة كمان.
مع العلم ان فى حالتى انا غيرت 5 ار جي عشان أحل المشكلة. اللى هما بالظبط 2 ار جي الخاصين بطرفى سلك النت من السبليتر الى الراوتر. كذلك ال 2 ار جي الخاصين بطرفى سلك التليفون الارضى من السبليتر الى التليفون الارضى، كذلك الار جي الخاص بالسلك اللى جاى من البوكسة اللى فى الشارع وطالع عندى فى البيت.
نصائح لتجنب فصل النت المتكرر من الراوتر
- هتفحص الار جي بتاعة الاسلاك كلها.
- لو لقيت أى ار جى النحاسة بتاعته لونها اتغير من الاصفر الى الاسود يبقى لازم تغيرها فوراً.
- كذلك إياك تعمل توصيلات فى سلك النت او التليفون الارضى، بمعنى اشتري اسلاك جديدة مفهاش قطع عشان يكون السلك سليم.
- لو عملت كل الخطوات اللى قولتلك عليها دى ومشكلة فصل النت من الراوتر لسه مستمرة معاك.
- يبقى ده معناه ان المشكلة غالبا من البوكسة اللى فى الشارع.
وفى الحالة دى لازم تعمل شكوى وتجيب فنى من شركة الاتصالات يحل لك المشكلة دى من البوكسة اللى فى الشارع.
كذلك انصحك برضه تبص على الموضوع المهم ده هيفيدك فى حل مشكلة فصل النت:
👈 حل مشكلة الانترنت يفصل كل شوي.
فى ختام موضوعنا عن حل مشكلة انقطاع النت من الراوتر، اكون شرحت لك ببساطة ازاى تحل مشكلة فصل الانترنت من الراوتر بسهولة. لو اتبعت الخطوات اللى قولتلك عليها بالظبط هتحل مشكلة انقطاع الانترنت الى الأبد ان شاء الله.