“اعملها بنفسك” طريقة سوفت وير رسيفر Q-max كيو ماكس 999
![طريقة سوفت وير رسيفر Q-max كيو ماكس 999](https://www.akhbrcom.com/wp-content/uploads/2023/03/طريقة-عمل-سوفت-وير-رسيفر-كيوماكس-999-لعام-2023-1.jpg)
طريقة سوفت وير رسيفر Q-max كيو ماكس 999 بسيطة للغاية، فى بعض الاحيان نقوم بتنزيل احدث ملف قنوات نايل سات عربى كيوماكس من الانترنت. واثناء تثبيت ملف تحديث القنوات تجد انه غير متوافق مع نوع الرسيفر الخاص بك.
وتتفاجئ بأن الريسيفر توقف عن العمل. وهذا معناه ضرورة عمل سوفت وير للرسيفر. ولذلك اقدم لك عبر شبكة اخباركم طريقة سوفت وير رسيفر Q-max كيو ماكس 999، تعلمها واعملها بنفسك.
طريقة سوفت وير رسيفر Q-max كيو ماكس 999
فى بداية حديثنا عن طريقة عمل سوفت رسيفر Q-max كيو ماكس 999، ملحوظة هامة، ملف السوفت الذى سوف نقوم باستخدامه فى هذا الشرح. يُستخدم فقط مع ريسيفر كيوماكس الكبير موديل Qmax-mst h1 g3. بمعنى انه للريسيفر الكبير وليس المينى.
اسباب سقوط سوفت وير الريسيفر
لو قومت بتثبيت ملف قنوات غير متوافق مع نوع الريسيفر الخاص بك، هتلاقى الريسيفر توقف عن العمل. ومش بيستجيب لأى شىء ده معناه ان السوفت وير سقط ومحتاج سوفت وير جديد. ولذلك سوف اشرح لك كيفية عمل سوفت وير لرسيفر Q-max كيو ماكس.
خطوات عمل سوفت وير لريسيفر كيو ماكس 999
- أولاً عليك تحميل ملف السوفت وير من هنا.
- بعد ذلك قُم بفك الضغط عن ملف السوفت وهتاخد الفولدر اللى اسمه Files. وهتنزله على فلاشه تكون مفرمتها على نظام FAT32.
- كما أن المشكلة تكمن فى ان نظام ويندوز 10 او 11 الجديد مبقاش يدعم الفورمات بنظام FAT32.
- وعشان تحل المشكلة دى هتفرمط الفلاشة باستخدام برنامج Rufus ” شاهد الصورة التالية فيها الشرح “. تقدر تحمل برنامج روفوس Rufus من هنا.
![طريقة سوفت وير رسيفر Q-max كيو ماكس 999](https://www.akhbrcom.com/wp-content/uploads/2023/03/شرح-تهيئة-الفلاشة-لنظام-FAT32-2.jpg)
- وبعد اتمام عمل فورمات للفلاشة بنظام FAT32 ادخل على الفلاشة واحذف الملفات اللى نزلت تلقائى بداخلها وحط مكانها ملف السوفت.
- يعنى الفلاشة لازم تفرمطها الاول وتحط فيها فولدر السوفت اللى بإسم Files. ويكون لوحده وهيكون جواه طبعا ملف السوفت وير اللى اسمه GxRom.bin.
- وبعدين تفصل الكهرباء عن الريسيفر خالص وبعدين تدخل الفلاشة فى الريسيفر.
- وبعدين توصل الكهرباء للريسيفر وفى نفس لحظة توصيل الكهرباء للريسيفر. تضغط بسرعة ضغطة طويلة على زرار باور POWER اللى فى واجهة الريسيفر وتخليك ضاغط.
- لغاية مايظهر قدامك شاشة تقولك انه يتم تحميل السوفت وير. شيل صباعك دلوقتى بقى من على زرار الباور وسيبه يحمل السوفت وير لغاية ما يخلص.
وبعد اتمام نجاح عملية تثبيت ملف السوفت وير الى الريسيفر، استنى شويه لغاية ما تظهر قدامك قائمة الريسيفر لكن هتكون باللغة الانجليزية. وسوف اشرح لك فى التالى طريقة تغيير لغة ريسفر كيو ماكس 999 من اللغة الانجليزية الى اللغة العربية.
طريقة تغيير لغة ريسفر كيو ماكس 999 الى العربية
- اضغط على System setting.
- ثم System.
- ثم من أول خيار إضغط اوك.
- والأن اختر اللغة العربية ثم اضغط Exit من الريموت للخروج.
- ثم قُم بتحميل ملف كيومكس نايل سات بتاريخ اليوم من هنا . وضع الملف داخل الفلاشة، ونزلها مرة تانية بالطريقة اللى انت عارفها.
- ولو متعرفش الطريقة هسيبلك لينك فى اخر الموضوع بالشرح.
لا تفوتك: طريقة اضافة تردد جديد على رسيفر كيو ماكس Qmax 999.
وإلى هنا اكون قد اوضحت لك طريقة تحميل وتثبيت سوفت وير ريسيفر كيو ماكس 999 لعام 2024.